ⴰⴼⵏⵉⵇ ⴰⵏⴰⵎⵓⵔ ⵏ ⵜⴰⵏⴰⴼⵜ ⴷ ⵓⵙⴼⵍⵙ

ⴰⴼⵏⵉⵇ ⴰⵏⴰⵎⵓⵔ ⵏ ⵜⴰⵏⴰⴼⵜ ⴷ ⵓⵙⴼⵍⵙ

ⴰⴼⵏⵉⵇ ⴰⵏⴰⵎⵓⵔ ⵏ ⵜⴰⵏⴰⴼⵜ ⴷ ⵓⵙⴼⵍⵙ ⵢⴰⵜ ⵜⵎⵔⵙⵍⵜ ⵜⴰⴳⴷⵓⴷⴰⵏⵜ ⵖⵓⵔ ⵓⴷⵎ ⵓⵖⵔⵉⵎ ⴷ ⵜⵙⵉⵎⴰⵏⵜ ⵜⴰⵥⵕⴼⴰⵏⵜ ⴰⵔ ⵜⵙⵡⵓⵔⵉ ⴷⴷⴰⵡ ⵜⵏⴼⵔⵓⵜ ⵏ ⵓⵡⴰⵏⴽ ⴰⵔ ⵉⵙⵡⵓⴷⴷⵓ ⵓⴼⵏⵉⵇ ⵏ ⵓⵙⵔⵓⵙ ⴷ ⵓⵙⵡⵓⴷⴷⵓ ⵜⵉⵡⵓⵔⵉⵡⵉⵏ ⵏⵏⵙ.

ⵅⴼ ⵓⵙⵡⵉⵔ ⵏ ⵜⵡⵓⵔⵉ, ⵢⵓⵎⴰ ⵢⵉⴳⵔ ⵏ ⵓⴽⵛⵛⵓⵎ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⴰⵏⴰⴼⵜ ⴷ ⵓⵙⴼⵍⵙ ⵎⴰⵢⴰⴷ :

• ⴰⵙⵡⵓⴷⴷⵓ ⵏ ⵜⴱⵖⵓⵔⵉⵏ ⵏ ⵉⵏⴳⴰⵙⵏ ⵏ ⵜⵡⵓⵔⵉ/ ⴷ ⵜⵎⴰⴹⵓⵏⵉⵏ ⵜⵉⵣⵣⵓⵍⴰⵏⵉⵏ ⴷ ⵉⵏⴳⴰⵙⵏ ⵏ ⵓⵙⵉⴽⵍ,
• ⴰⵙⵔⵓⵙ ⵏ ⵉⴹⴰⴽⴰⵍⵏ ⵏ ⵓⵙⴼⵍⵙ ⵍⵍⵉ ⵉⵙⵡⵓⵔⵉⵏ ⵙ ⵉⵥⴹⵡⴰⵏ ⵉⵥⵍⵉⵏ (ⴰⵙⴷⴳⵔ ⵓⴼⵔⵉⴷ, ⴰⵜⵉⴳⵏ ⵉⵥⵕⴼⴰⵏⵏ ⵉⴷⵖⵢⴰⵏⵏ ⴷ ⵡⴰⵜⵉⴳⵏ ⵉⵥⵕⴼⴰⵏ ⵎⵉ ⵜⴰⵜⵜⵓⵢ ⵜⴼⵔⵉ)
• ⴰⵙⵡⵓⴷⴷⵓ ⴰⵏⴼⴳⵓⵔ (ⵉ ⵓⵙⵉⴹⵏ ⵏ ⵓⵡⴰⵏⴽ ⵏⵖⴷ ⵡⵉⵢⵢⴰⴹ) ⵉ ⵉⴼⵏⵉⵇⵏ ⵏ ⵜⴰⵏⴰⴼⵜ ⵍⵍⵉ ⵉⵢⵢⵓⵙⵎⵔⵙⵍⵏ ⵙ ⵉⵣⵣⵔⴰⴼⵏ ⵉⵜⵜⴰⵡⵥⵍⴰⵢⵏ ⴷ ⵉⴽⵓ ⴰⵏⴳⵔⴰⵡ ⵏⵖⴷ ⴰⵊⵎⵉⵍ ⴳ ⵓⵙⴰⵜⵉ ⵏ ⵜⵎⵢⴰⵇⵇⴰⵏⵉⵏ ⵜⵓⵙⵍⵉⴳⵉⵏ.

ⴰⵙⵡⵓⴷⴷⵓ ⵏ ⵜⴰⵏⴰⴼⵜ

ⵕⵓⴽⵓⵕ: ⴰⵢⴰⴼⵓ ⵏ ⵓⵎⴽⴽⴻⴽ ⵏ ⵜⴰⵏⴰⴼⵜ ⵜⴰⵏⵙⵎⴰⴷⵜ

ⴰⵢⴰⴼⵓ ⵏ ⵓⵎⴽⴽⴻⴽ ⵏ ⵜⴰⵏⴰⴼⵜ ⵜⴰⵏⵙⵎⴰⴷⵜ ⵜⴰⵎⵙⵜⴰⵢⵜ, ⵉⴱⴷⴷⴰ ⵅⴼ ⵓⵙⴷⴳⵔ ⵓⴼⵔⵉⴷ, ⴰⵔ ⵉⵙⵎⵏⵉⴷ ⵜⴱⵖⵓⵔⵉⵏ ⵜⵉⴳⵜⵉⵔⴰⵏⵉⵏ: ⵜⴰⵍⵓⵖⵉ ⴷ ⵜⵔⴰⵔⵓⵜ ⴷ ⵓⵙⵓⵊⴷ ⵏ ⵉⵊⵎⵉⵍⵏ ⵅⴼ ⵓⵙⵡⵉⵔ ⴰⵏⴰⵎⵎⴰⵙ ⴷ ⵡⴰⵍⵍⵉ ⵢⴰⴳⴳⵓⴳⵏ.

ⴰⵜⵉⴳⵏ ⵉⵥⵕⴼⴰⵏⵏ ⵎⵉ ⵜⵜⵓⵙⵎⴰⵜⵜⵉ ⵜⴼⵔⵉ

ⴰⵢⴰⴼⵓ ⵍⵍⵉ ⵉⵜⵜⴳⴳⴰⵏ ⴰⵙⵎⵓⵜⵜⴳ ⴷ ⵜⴼⵔⵉ ⵏ ⵡⴰⵜⵉⴳ ⴰⵥⵕⴼⴰⵏ ⵏⵏⴰ ⵎⵉ ⵜⵎⵓⵜⵜⵉ ⵜⴼⵔⵉ ⵜⴰⵔⵙⵓⵍⴰⵏⵜ ⵏⵉⵖ ⴰⵙⵓⵍⴰⵏ, ⴰⵔ ⵉⴼⵔⵔⵓ ⵓⵎⵙⵡⵓⵔⵉ ⴳ ⵜⴳⵉⵔⴰ ⵏ ⵜⵡⵓⵔⵉ ⵏⵏⵙ ⵜⴰⵣⵣⵓⵍⴰⵏⵜ ⴷ ⵓⵡⴰⵣⴰⵏ ⵏⵏⵙ ⵙ ⵜⴰⵏⴰⴼⵜ.

ⴰⵜⵉⴳⵏ ⵉⵥⵕⴼⴰⵏⵏ ⵉⴷⵖⵢⴰⵏⵏ

ⴰⵢⴰⴼⵓ ⵍⵍⵉ ⵉⵜⵜⴳⴳⴰⵏ ⴰⵙⵎⵓⵜⵜⴳ ⴷ ⵜⴼⵔⵉ ⵏ ⵡⴰⵜⵉⴳ ⴰⵥⵕⴼⴰⵏ ⴰⴷⵖⵢⴰⵏ ⴷ ⵡⴰⵔⵙⵓⵍⴰⵏ ⵏⵉⵖ ⴰⵙⵓⵍⴰⵏ, ⴰⵔ ⵉⴼⵔⵔⵓ ⵓⵎⵙⵡⵓⵔⵉ ⴳ ⵢⴰⵜ ⵜⵉⴽⵍⵉⵜ ⵙ ⵡⴰⵜⵉⴳ ⴰⵥⵕⴼⴰⵏ ⴽⵓⴷⵏⵏⴰ ⵉⵜⵜⵡⴰⵣⵏ ⵖⵔ ⵜⴰⵏⴰⴼⵜ.

ⴰⴷⴳⴰⵔ ⵏ ⵜⴳⵉⵔⴰ ⵏ ⵜⵡⵓⵔⵉ

ⴰⵢⴰⴼⵓ ⵍⵍⵉ ⵉⵜⵜⴳⴳⴰⵏ ⴰⵙⵎⵓⵜⵜⴳ ⴷ ⵜⴼⵔⵉ ⵏ ⵡⴰⵜⵉⴳ ⴰⵥⵕⴼⴰⵏ ⵏⵏⴰ ⵎⵉ ⵜⵎⵓⵜⵜⵉ ⵜⴼⵔⵉ ⴰⵔ ⵉⴼⵔⵔⵓ ⵉ ⵓⵎⵙⵡⵓⵔⵉ ⴳ ⵜⴳⵉⵔⴰ ⵏ ⵜⵡⵓⵔⵉ ⵏⵏⵙ ⵜⴰⵣⵣⵓⵍⴰⵏⵜ ⴷ ⵡⴰⵣⴰⵏ ⵏⵏⵙ ⵖⵔ ⵜⴰⵏⴰⴼⵜ.

ⴰⴼⵏⵉⵇ ⵏ ⵜⴰⵏⴰⴼⵜ ⵏ ⵓⴳⵔⴰⵡ ⵏ ⵉⵎⵙⵜⴰⵏⵏ ⵏ ⵍⵎⵖⵔⵉⴱ

ⴰⵢⴰⴼⵓ ⵏ ⵜⴰⵏⴰⴼⵜ ⵍⵍⵉ ⵉⵜⵜⴰⵡⵥⵍⴰⵢⵏ ⵉ ⵉⵎⵙⵜⴰⵏⵏ ⵏ ⵍⵎⵖⵔⵉⴱ ⴰⴱⵍⴰ ⵡⵉⵏ ⴷⴰⵔⵍⴱⵉⴹⴰ, ⴰⵔ ⵢⴰⴽⴽⴰ ⵉ ⵓⵎⵙⵜⴰⵏ ⵏⵉⵖ ⵉ ⵓⵏⵙⵙⵉⵔⵎ ⵏⵉⵖ ⵉ ⴰⵢⵜ ⵉⵣⵔⴼⴰⵏ ⵏⵏⵙⵏ, ⵜⴰⵡⵙⵓⴷⵔⵜ ⵏ ⵜⴰⵏⴰⴼⵜ ⵏⵉⵖ ⵡⴰⵔⵔⴰⵣ ⵏⵉⵖ ⵜⵎⵜⵜⴰⵏⵜ.

ⴰⵎⴽⴽⴻⴽ ⵏ ⵡⴰⵜⵉⴳ ⵏ ⵡⴰⴷⵓⴽ

ⴰⵢⴰⴼⵓ ⵏ ⵓⵙⴼⵍⵙ ⵏ ⵜⴰⵏⴰⴼⵜ ⵏ ⵉⵙⵎⵉⵍⵏ ⵖⵓⵔ ⵜⵉⵏⵓⴷⴰⴼ ⵉⴷⵔⵓⵙⵏ ⵏⵉⵖ ⵡⴰⵍⵍⵉ ⵓⵔ ⵉⵕⵚⵚⴰⵏ ⵍⵍⵉ ⵉⵔⴰⵏ ⴰⵙⵎⵓⵜⴳ ⵏ ⵜⴰⵏⴰⴼⵜ ⵉⵜⵜⴰⵡⵙⴼⵍⵙⵏ

ⴰⵙⵡⵓⴷⴷⵓ ⵏ ⵉⴼⵏⵉⵇⵏ ⵏ ⵓⵎⵢⴰⵍⴰⵍ

ⴰⵙⵡⵓⴷⴷⵓ ⴰⵏⵉⵎⴰⵏ

• ⴰⵜⵉⴳⵏ ⵉⵥⵕⴼⴰⵏⵏ ⵏ ⵉⵏⴳⴰⵙⵏ ⵏ ⵜⵡⵓⵔⵉ

  ⴰⵜⵉⴳⵏ ⵉⵥⵕⴼⴰⵏⵏ ⵉⵜⵜⵓⴼⴽⴰⵏ ⵍⵍⵉ ⴳ ⵜⵍⵍⴰ ⵜⵖⵜⴰⵙⵜ ⵜⴰⵏⴱⴹⴰⵢⵜ ⵙ ⵜⵢⴰⴼⵓⵜ ⵏ ⴽⵔⴰ ⵏ ⵓⵏⴳⴰⵙ ⵏ ⵜⵡⵓⵔⵉ (ⵜⴰⵎⴰⴹⵓⵏⵜ ⵜⴰⵏⵣⵣⵓⵍⴰⵏⵜ, ⴰⵏⴳⴰⵣ ⴰⵏⵎⵍⴰⵏ), ⴳ ⵜⵏⵉⵍⴰ ⵏ ⵉⴷⴳⴰⵔⵏ ⵉⵜⵜⵓⴼⵔⴰⵏ.

• ⴰⵜⵉⴳⵏ ⵉⵥⵕⴼⴰⵏⵏ ⵏ ⵉⵏⴳⴰⵙⵏ ⵏ ⵓⵙⵉⴽⵍ

  ⴰⵔⵔⴰⵣⵏ ⵏ ⵡⵓⵏⴳⵉⵙⵏ ⵏ ⵉⵏⴳⴰⵙⵏ ⵏⵏⴰ ⵙⵙⴽⵔⵏⵜ ⵜⵎⵙⵙⵓⴷⵓⵜⵉⵏ ⵉⵍⴰⵏ ⴰⵏⵙⵎⴰⵙⵙⵓ, ⵙ ⵜⵉⴽⴽⵉ ⵏ ⵡⴰⵜⵉⴳ ⵏ ⵡⴰⵔⵔⴰⵣ ⵍⵍⵉ ⵜⵜⴰⵎⵥⵏ ⵡⵓⵏⴳⵉⵙⵏ ⴷ ⴰⵢⵜ ⵉⵣⵔⴼⴰⵏ ⵓⵎⵥⵉⵢⵏ ⵙⴳ ⵜⵏⵉⵍⴰ ⵏ ⵜⵎⵙⵙⵓⵔⵉⵏ ⵏ ⵓⵙⴼⵍⵙ.

ⴰⵙⵡⵓⴷⴷⵓ ⴰⵎⴰⵍⴰⵍ (ⵉⵖⴰⵡⴰⵙⵏ ⵉⵏⴰⵎⵓⵏⵏ ⵉⴷⵙⵍⴰⵏⵏ)

• ⴰⵏⵏⴰⵍ ⴰⵏⴰⵎⵓⵏ ⵓⵙⵔⵉⴷ

  ⴰⵙⵡⵓⴷⴷⵓ ⴰⵙⵉⵏⵔⴰⵏ ⵏ ⵓⵖⴰⵡⴰⵙ ⵏ ⵡⴰⵏⵏⴰⵍ ⴰⵏⴰⵎⵓⵏ ⵓⵙⵔⵉⴷ ⵙ ⵜⴷⵔⴰⵡⵜ ⴰⴽⴷ ⵓⴼⵏⵉⵇ ⴰⵏⴰⵎⵓⵔ ⵏ ⵓⴹⴰⴽⴰⵍ ⴰⵏⴰⵎⵓⵏ ⵙ ⵓⵡⴰⵍⴰ ⵏ ⵓⵙⵡⵓⴷⴷⵓ ⵏ ⵜⵙⵎⵉⴳⵍⵜ ⵏ ⵜⵉⴹⴰⴼ ⵏ ⵜⵥⴹⴰⵕⵜ, ⴰⵔⴰⵄⴰ ⵖⵔ ⵉⵣⵔⴼⴰⵏ, ⴷ ⵓⵃⵢⵢⵍ ⵏ ⵡⴰⵏⴰⴹⵏ ⵏ ⵜⴼⵔⵉ ⵓⵍⴰ ⴰⵙⵎⵀⵍ ⵏ ⵉⵣⵔⴼⴰⵏ

• ⴰⵏⵏⴰⵍ ⵓⵙⵔⵉⴷ ⵏ ⵓⵣⴷⴷⵓⵖ

  ⴰⵙⵡⵓⴷⴷⵓ ⵏ ⵓⵖⴰⵡⴰⵙ ⵏ ⵡⴰⵏⵏⴰⵍ ⵓⵙⵔⵉⴷ ⵏ ⵓⵣⴷⴷⵓⵖ ⵙⴳ ⵓⵣⵎⵎⴻⵎ ⵏ ⵜⵓⵜⵔⴰⵡⵉⵏ, ⴷ ⵓⵙⵡⵓⴷⴷⵓ ⵏ ⵉⵣⵔⴼⴰⵏ, ⴷ ⵓⵕⵥⵥⵓⵎ ⵏ ⵜⵡⵉⵙⵉⵡⵉⵏ ⵓⵍⴰ ⴰⵣⵣⵔⴰⵢ ⵏ ⵜⵓⵜⵔⴰⵡⵉⵏ ⴷ ⵉⵙⴼⵔⵓⵜⵏ ⵏ ⵡⵉⵍⵍⵉ ⵉⵜⵜⵔⵏ ⴰⴷ ⵙⵙⴱⵖⵔⵏ ⵙⴳ ⵡⴰⵏⵏⴰⵍ

• ⵜⵉⵡⵉⵙⵉⵡⵉⵏ ⵜⵓⵙⵔⵉⴷⵉⵏ ⵏ ⵡⴰⵍⴰⵙ ⵏ ⵜⵓⵚⴽⴰ ⴷ ⵓⵥⴽⴰⵡ ⵉ ⵡⵓⵏⴳⵉⵙⵏ ⵍⵍⵉ ⵢⴰⵖ ⵓⵎⴰⵍⴰⴷ ⴳ ⵓⵎⴷⵓⴷⵉ ⵏ ⵍⵃⴰⵡⵣ

  ⴰⵙⵡⵓⴷⴷⵓ ⵏ ⵓⵇⵕⴰⴹ ⵏ ⵜⵡⵉⵙⵉⵡⵉⵏ ⵜⵓⵙⵔⵉⴷⵉⵏ ⵉⵥⵍⵉⵏ ⵙ ⴽⵔⴰⵢⴳⴰⵜ ⵉⵖⴰⵡⴰⵙⵏ ⵏ ⵜⵡⵉⵙⵉⵡⵉⵏ ⵏ ⵡⴰⵍⴰⵙ ⵏ ⵜⵓⵚⴽⴰ ⴷ ⵓⵥⴽⴰⵡ ⵉ ⵡⵓⵏⴳⵉⵙⵏ ⵉⵏⴱⵖⵓⵔⵏ.

• ⴰⵏⵏⴰⵍ ⵓⵙⵍⵉⴳ ⵙ ⵜⵎⵍⴷⴰ ⵏ ⵡⴰⴷⴰⴼ ⴰⵏⵎⵍⴰⵏ

  ⴰⵙⵡⵓⴷⴷⵓ ⴷ ⵜⵉⴽⴽⵉ ⵏ ⵜⵡⵉⵙⵉ ⵢⴰⴹⵏ ⵉ ⵜⵡⵊⵉⵡⵉⵏ ⵜⵉⵏⴱⵖⵓⵔⵉⵏ ⴳ ⵓⵙⴰⵜⵉ ⵏ ⵜⴰⵙⵓⵍⵜ ⵏ ⵜⵙⵏⵜⴰⵢⵜ ⵜⴰⴳⵍⴷⴰⵏⵜ « ⵎⵍⵢⵓⵏ ⵏ ⵜⴰⵛⵛⴽⴰⵔⵜ »

• ⵜⵉⵡⵉⵙⵉⵡⵉⵏ ⵜⵉⵥⵕⴼⴰⵏⵉⵏ ⵜⵓⵙⵔⵉⴷⵉⵏ ⵉ ⵡⵉⵍⵍⵉ ⵉⵙⵙⴳⵎⴰⵏ ⴰⵛⵜⴰⵍ

  ⴰⵙⵡⵓⴷⴷⵓ ⵏ ⵡⴰⵎⵎⴰⴽⵏ ⵏ ⵓⵇⵕⴰⴹ ⵏ ⵜⵡⵉⵙⵉⵡⵉⵏ ⵉ ⵡⵉⵍⵍⵉ ⵉⵙⵙⴳⵎⴰⵏ ⴰⵛⵜⴰⵍ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵡⴰⵍⴰⵙ ⵏ ⵓⵙⵎⵓⵜⵜⴳ ⵏ ⵢⵉⴳⵔ ⴰⵏⴰⵎⵓⵔ.

ⵜⵉⵙⵏⵓⵔⴰⵢⵉⵏ ⵏⵏⵖ ⴷ ⵉⵙⴰⵢⵔⴰⵔⵏ ⵏ ⵉⵎⵍⵜⴰⵖⵏ

ⵉⵙⴰⵔⵙ ⴰⵡⵏ ⵢⵉⴳⵔ ⵏ ⵓⵎⴽⴽⴻⴽ ⴷ ⵓⴼⵔⴼⵓⴷ ⵏ ⵓⴼⵏⵉⵇ ⵏ ⵓⵙⵔⵓⵙ ⴷ ⵓⵙⵡⵓⴷⴷⵓ ⵉⵎⵙⵜⴳⴳⴰⵔⵏ ⵉ ⵉⵎⵍⵜⴰⵖⵏ ⵃⵎⴰ ⴰⴷ ⴰⵡⵏ ⴼⴽⵏ ⵇⵇⴰⵃ ⵓⵎⵍⴰⵏ ⵉⵥⵍⵉⵏ ⵙ ⵉⵎⵓⵙⵙⵓⵜⵏ ⵏⵏⵖ ⴷ ⵓⵔⴰⵔⵉ ⵉ ⵜⵓⵜⵔⴰⵡⵉⵏ ⴷ ⵉⵙⵏⵏⵉⵔⴰⵣ ⵏⵏⵓⵏ.

ⵉⵙⴰⵢⵔⴰⵔⵏ ⵏ ⵉⵎⵍⵜⴰⵖⵏ - ⴰⴼⵔⴼⵓⴷ

ⴰⵔ ⵜⵜⵖⵉⵎⴰⵏ ⵉⵙⴽⵙⴰⵍ ⵏ ⵓⵙⵏⵓⴱⴳ ⵕⵥⵎⵏ ⵙⴳ ⵓⵢⵏⴰⵙ ⴰⵔ ⵓⵙⵉⵎⵡⴰⵙ ⵙⴳ ⵜⵙⵔⴰⴳⵜ ⵏ 8:30 ⴰⵔ 16:30 ⵏ ⵜⴷⴳⴳⵯⴰⵜ.

ⴰⵎⵎⴰⵙ ⵏ ⵡⴰⵡⴰⴹ

ⵃⵎⴰ ⴰⴷ ⵜⴰⴼⵉⵎ ⵜⴰⵎⵔⴰⵔⵓⵜ ⵉ ⵉⵙⵇⵙⵉⵜⵏ ⵏⵏⵓⵏ, ⵜⴻⵜⵜⵔⵎ ⵓⵎⵍⴰⵏ, ⴷ ⵉⵙⵏⵏⵉⵔⴰⵣ, ⴷ ⵜⴹⴼⵕⵉ ⵏ ⵉⵙⴷⴰⵡⵏ, ⵀⴰⵏ ⴰⵎⵎⵙ ⵏ ⵡⴰⵡⴰⴹ ⵉ ⵡⵙⵙⴰⵔ ⵏⵏⵓⵏ ⵙⴳ ⵓⵢⵏⴰⵙ ⴰⵔ ⵓⵙⵉⵎⵡⴰⵙ, ⵙⴳ ⵜⵙⵔⴰⴳⵜ ⵜⴰⵎⵜ ⵏ ⵜⵉⴼⴰⵡⵜ ⴰⵔ ⵜⵙⵔⴰⴳⵜ ⵜⵉⵙ ⵚⴹⵉⵚ ⵏ ⵜⴷⴳⴳⵯⴰⵜ.